強「峯」有心有力 千語遲婚生B易極

吳千語昨日在時代廣場出席《金龍醒獅賀新歲慶典》，早前她跟男友林峯到北海道滑雪四天，問到今年可有好消息公布？她坦言：「諗過30歲前生小朋友。（到時林峯年紀唔細！）男人遲結婚冇問題，睇落我哋仲好後生！」暗示男友屆時仍有心有力！她又透露跟林峯以電話向雙方家人拜年，稍後有機會再返林峯家鄉廈門，提到有指她叫男友引退爭百億家財？千語無奈地說：「新年流流，人哋屋企人咁好咁Warm，點解要講到爭家產咁唔吉利咁離譜！我知男友做嘢做得幾好，唔會退出，計劃仲有一段時間。（贊成佢打理生意？）唔會畀咩評語，佢依家都搵唔少啦！」而林峯透過經理人表示無聊報道不作回應。