太陽娛樂文化的薛凱琪與鄧麗欣暫時擱下「一姐」之爭，與掌舵人黃柏高率領旗下歌手齊齊團拜。自封為情人節「單身派對會長」的薛凱琪，希望能盡快「卸任」。

薛凱琪恨拍拖恨到出口，幸有「紅馬王子」錫啖頂住檔先。

黃柏高率領一眾旗下歌手團拜，喜氣洋洋。

與小方互相見家長拜年的Stephy，笑言會準備鮑參翅肚。

農曆新年仍要在台灣拍戲的薛凱琪（Fiona）說：「為咗多啲時間同爹哋媽咪一齊，我會搬埋佢哋過台灣。」今年西方情人節與被稱為中國情人節的元宵剛巧在同一日，Fiona慨嘆依然要單身度過，自嘲為「單身派對會長」的她，坦言希望盡快有「接班人」，不過她認為真正的愛情需要時間，會默默等待幸福。問到可有追求者？她說：「冇乜。（要求太高？）我要求唔高，只要專一同誠懇，我都Ready o架，我唔係好老土話要專心事業嗰啲。」

至於傳已秘嫁方力申的Stephy，坦言近年都有互相見家長拜年，問到有否預備新年賀禮？她笑說：「大家咁熟冇咩所謂，都係實際啲鮑參翅肚啦。」

逼小方送禮

問到這對「老夫老妻」會如何度過今年的元宵情人節？Stephy說：「我哋呢啲咁多年，好多時冇買禮物，但如果我有買，佢冇買梗係唔得。（之前有冇試過？）有，但佢都有補鑊，話買限量版嘅禮物冇貨。」小方咁識做，Stephy冧晒啦！