苗僑偉（三哥）近日患上感冒，以致被迫暫停拍劇，三嫂透露三哥要吃得清淡，惟新年期間朋友上門拜年，盛情難卻之下也有摸酒杯底淺嘗。而同劇的陳敏之昨日開工時透露，日前與森美拍攝激吻戲時忍不住笑。

三哥被感冒和氣管敏感「打敗」，搞到要停工。

敏之（右）和倩揚昨日拍劇時以姊妹花裝束上陣，有型有款！

早前與江美儀拍攝《使》劇的三哥，不知何時能復工趕進度。

三哥有份演出的新劇《使徒行者》，原本農曆新年期間也要開工，不過三哥近日患上感冒，為免傳染同劇演員，惟有請假於家中休息。三嫂昨日接受電話訪問時透露，三哥患感冒之餘還有氣管敏感：「呢幾日盡量食少啲同清淡啲，不過新年有咁多朋友嚟，都有飲一、兩杯酒！」

敏之咀森美爆笑

而同樣參與《使》劇的陳敏之與陳倩揚昨日拍攝揸車場面，她們齊齊穿調查員裝束，又束起長髮，儼如兩姊妹！敏之在劇中有「前度」森美及「未婚夫」沈震軒，提到日前與森美拍攝激吻戲，她說：「好好笑！上次拍劇係佢主動錫我，今次係我主動，劇情要佢個樣好認真，但唔知點解，見到佢咁我就忍唔住笑！所以咪不停搣自己！」敏之又表示年初一至年初三周圍拜年及逗利是，也有到伍詠薇家中吃高級盆菜。

至於深得老公愛錫的倩揚透露是日髮型由老公操刀，更大讚他手勢不俗：「平時佢有陪我去Salon，會睇我點整頭，所以尋晚幫我夾個粟米頭，佢話如果今朝唔得就再叫佢起身，但我又唔忍心！（趁馬年追多個小朋友？）馬年趕唔切，可能羊年或之後啦！」