藝人尹揚明前晚於酒店開生日Party，慶祝56歲生日，圈內好友楊明、艾威、王俊棠及林偉等均有出席，問到闊別公仔箱已久會否心郁拍劇？尹佬摸一摸肚腩說：「等我減咗15磅先啦！我依家跟師傅學泰拳，如果減到就返出嚟娛樂吓！」談到早前透露兒子今年結婚，他開心地說：「婚禮定咗12月。（要準備啲咩？）依家啲金呀鑽石呀咁貴！不過開心就得啦！」而楊明則表示17歲入行時已認識尹佬：「係前輩介紹我識嘅！因為佢叫尹揚明，我又叫楊明。」對於新年願望，他想做多點好事：「唔好有咁多壞新聞。（感情？）都想搵個好女仔，不過成家立室呢啲唔急得，經過上次睇得好淡，人大咗都係做嘢為主先啦！」

尹揚明獲一大班好友慶生，笑到見牙唔見眼！