無綫藝人龔嘉欣原來與姚子羚是同居密友！已單身一段時間的她們希望新一年桃花滿載，更特地買了一棵大桃花催旺姻緣及人緣運。

情同姊妹的龔嘉欣（右）與姚子羚，盼望新一年大行桃花運。

單身的嘉欣樣子甜美，相信「破Dry」冇難度！　

「同居」的嘉欣（右）與姚子羚雖恨拍拖，但更重視工作。

同居的姚子羚（Elaine）與龔嘉欣，異口同聲指新一年一定要買桃花，Elaine說：「聽人講買桃花要買足三年，舊年我哋有買，所以今年都要擺！」嘉欣則大爆去年買桃花的搞笑事，她笑說：「棵桃花送到嚟我哋呆咗，唔打開由自可，一打開就超大棵！我哋兩個夾手夾腳搬出露台，棵桃花仲生到出外牆！最搞笑係棵桃花吸引咗啲蜜蜂嚟！」

心急搵伴

問到桃花有否帶來良緣？Elaine笑說：「有就有，不過係我哋個化妝師，佢轉過盆桃花即刻有拖拍！」已單身一段時間的Elaine與嘉欣坦言心急，但必以工作為先！嘉欣說：「如果姻緣到唔會抗拒，但大前提係佢要接受到我做呢行，唔可以影響我嘅工作！」

她們在新一年各自有新工作，嘉欣忙於拍攝新劇《無雙譜》，Elaine則準備拍攝實況劇，飾演有一名11歲兒子的媽媽。