在會合蘇永康的飯局前，祖兒與師兄劉浩龍已孖咇出動拍拖拜年。昨日網上流傳一張攝於大年初二，眾星到著名時裝設計師陳華國寓所食開年飯的照片，合照中坐在最前排的祖兒與師兄笑容燦爛，手搭手甜蜜溫馨，身後的古巨基亦受新春氣氛感染，大方公開與助手兼緋聞女友Lorraine舉杯暢飲，同場還有關心妍與夫婿楊長智、蔡一傑與蔡一智、陳淑芬夫婦及兒子陳家豪、林珊珊與女兒李澄則各帶男友出席，場面熱鬧。

昨日陳華國接受電話訪問時說：「蔡一智、蔡一傑話嚟拜年，我咪約埋祖兒囉！（祖兒拖住師兄嚟？）係，因為我同羅文熟，十幾年前識祖兒，浩龍就唔係咁熟，但喺祖兒紅館騷見過幾次。（佢哋好甜蜜？）係呀，拍拖嘛，哈哈！（有冇催佢哋結婚？）冇，但都想佢哋結婚，希望佢哋開心！」

陳華國指聚會由7時玩到凌晨3時，準備了九道菜、香檳及紅酒，但送上美酒的祖兒與師兄先行離開。他又笑言本來打算發新年財，惜家中沒有啤牌，故八小時聚會全程「齋吹」，各人都相當盡興。