王祖藍與蕭定一前晚到維園年宵市場宣傳新片《Delete愛人》，祖藍透露3年內娶老婆：「同咗啲姨媽姑姐食團年飯。李亞男都有去。慣咗被親戚問婚期，次次都答『這麼近，那麼遠』，3年內啦！一來工作關係，二來我想女仔有好啲嘅婚前準備，唔想求其。（求咗婚？）未，仲度緊橋！」

祖藍（右）與蕭定一在年宵市場宣傳新片，吸引途人圍觀。

此外，蕭定一說發聲明禁艷星張暖雅宣傳新片《猛龍特囧》，自言做法恰當：「如果套戲係情色電影，我覺得冇問題，但呢套係喜劇，佢裸照事件同套戲形象不符，又唔係主要演員，我唔覺得佢需要幫手宣傳。（張暖雅老公、《猛》片導演胡耀輝，事前知太太被禁？）我冇特登講，一次過通知囉！（開套情色片畀張暖雅發揮？）始終佢係我朋友嘅太太，唔方便咁做。（如果佢樂意自動波配合？）咁就要等佢真係咁揀，先再研究！」