汪明荃、陳展鵬、朱千雪（Tracy）和沈震軒等昨日出席無綫新春節目《新春馬到慶豐年》。Tracy玩遊戲表演射球時腳法奇準，比隊友陳展鵬更厲害，二人齊贏得足金金馬！展鵬笑言全靠千雪帶挈才贏得金馬：「睇唔出佢腳法咁勁！」而難得初一不用開工的他竟表示將在睡覺中度過：「終於可以瞓吓，因為年三十晚都係開工過。」

朱慧敏（左起）、陳展鵬、王浩信和朱千雪以傳統中式打扮出席迎新春節目。

陳展鵬（左）腳法不俗，與朱千雪（右）齊贏得足金金馬。

自爆追女失敗的沈震軒，愛情失意，但幸有橫財運補番數。

戴上公仔頭套的王浩信，與陳庭欣等人玩遊戲時十分投入。

「細細粒」陳嘉佳被抬起，但一眾猛男似乎甚為吃力！

而Tracy笑言沒有踢波習慣，對於視帝黃子華前晚在倒數活動上表示想認識她，她稱雖未有時間認識，但很想跟他合作。

另外，贏得兩隻足金金馬的沈震軒成為全場大贏家，他表示十分好運：「好開心！因為我本身冇乜橫財運。（愛情運？）唔好提喇！之前追咗一個女仔失手，依家搵緊，都希望有拖拍！（追緋聞女友龔嘉欣失手？）唔係唔係。（有對象未？）身邊都多好女仔，但都要講啱緣分！」