JC裸頭威誓賺千萬
去年狂吸金7位數的混血女模Jessica C.，趁大年初二帶埋「警鐘胸」向大家拜年！為儲夠彈藥升呢做「女土豪」，JC誓言馬年要搵夠8位數，更不惜繼續敲行「警鐘胸」，甚至全裸出擊都有得諗！
返美過新年的JC表示，會與家人食飯和打牌度佳節。
為儲夠彈藥升呢做女土豪，JC不惜敲行警鐘胸，甚至不介意全裸出擊。
JC揚言來年誓賺八位數圓買樓夢。
JC強調與男友感情穩定，但抗拒使男人錢。
Jessica C.
警鐘胸女模Jessica C.（JC）在蛇年愛情事業兩得意，除與男友感情穩定外，她響住「警鐘胸」四圍走密密搵銀，狂吸金7位數字，賺到盆滿缽滿。賺到笑的JC今年大派5位數利是，雖然今個農曆新年她會離港返美國陪家人過年，但她透露早已化身「財神」向同事和朋友派定利是︰「我過往會留喺香港同朋友過，食好多美食，今年會返美國和家人過，但我依然會向同事和朋友派利是，見到佢哋開心，自己都開心。」JC表示與家人食飯和打牌過年，牌技半桶水的她又笑言會在麻雀枱上向家人「派錢」。
去年JC拍電影又演舞台劇，更在舞台劇中以超性感造型示人，相當惹火！提到新一年目標，吸金7位數的她搵得未夠喉，並揚言馬年會去到盡繼續敲響「警鐘胸」，目標是搵到8位數，儲夠一大桶金在港買樓︰「去年拍電影同做舞台劇，又用廣東話演出，感覺好開心！今年想學多啲新嘢，嘗試更多方面嘅工作，好似拍多啲廣告搵錢，今年目標要搵夠8位數字，搵得愈多愈好。」為了搵錢，她不惜挑戰性感極限，至於會否全裸出擊？她說︰「如果有呢個機會都可以考慮，當然要視乎係咩類型工作，平時工作要性感我唔介意，男友都明白我嘅工作。」
做女土豪環遊世界
如此拚博，皆因JC想搵夠錢做「女土豪」，她笑言看到一班「女土豪」平日購物相當豪氣，羨慕到爆︰「我喜歡享受，唔想為錢而煩惱，想買乜就買乜，好似依家一班『女土豪』一樣，最緊要係可以歎世界，買大屋去環遊世界係我嘅夢想。（做女土豪係咪唔要男人？）當然唔係，只係我想有能力做自己想做嘅事，我需要愛情，而且我比較獨立，唔想使男人錢。」
提到今次返美國過年未有預男友，她強調與男友感情穩定︰「聖誕節已經同佢過，而且佢嘅文化唔會特別慶祝農曆新年，呢個節日佢唔感興趣。」
