發哥專訪《東網》足本放送
《東網》早前赴北京專訪神級影帝周潤發,並已連續六日播放七段發哥專訪視頻,引來全城市民爭住Click!《東網》遂將發哥約30分鐘的專訪視頻一次過足本放送,觀眾萬勿錯過!
幽默的發哥接受《東網》獨家專訪時無所不談。
發哥半小時的專訪足本版,《東網》有得睇啦!
影帝周潤發早前趁在北京宣傳期間接受《東網》獨家專訪,無所不談盡顯幽默本色,期間他表情多多狂拋金句,迷倒男女老少Fans!《東網》已連續六日播放七段發哥專訪視頻,引來極大回響,有見及此,《東網》已將發哥共半小時的專訪片段一次過足本播放,供一眾「發迷」隨時重溫發哥風采!
發哥在訪問中暢談事業、金錢觀、瘦身秘訣、夫妻相處之道及「徒弟」謝霆鋒等有趣話題!多年來他與發嫂一直有影皆雙,發哥大談「保恩愛妙法」,對於發嫂被外間指是「嚴妻」,發哥亦開腔幫口:「有時佢做咗醜人!錢畀佢管理我放心。」他更妙論兩性相處:「女人係茶煲(Trouble),男人要忍讓!」
分享減肥大法
最近發哥有兩套賀歲片《賭城風雲》及《西遊記之大鬧天宮》上映,他更特地為《賭》片激減30磅,並與《東網》Fans分享減肥大法,他近十個月日食半碗飯兼步行個半鐘,實在不容易!身家豐厚的發哥又認為節儉是美德,更親證打算將來捐出全副身家!
此外,發哥又講到對《賭》片「徒弟」謝霆鋒的看法,大家記得上《東網》電視欣賞!
發哥接受《東網》專訪時精句盡出,展示其風趣幽默性格,值得大家再三回味!
談零緋聞:「三個月拍套戲,你咪愛足佢三千年,完咗就『叮』!」
談發嫂:「誤會咗佢啫!佢做咗醜人!錢畀佢管理我放心。」
談愛情:「女人係茶煲,男人一定要忍讓!」
談後輩:「霆鋒冷艷似西門吹雪呀!冷!」
談節食:「一日食一餐,係指澱粉質(指飯),每餐半碗飯。」
談運動:「每日行至少個半鐘,依家身體感覺比30年前好咗。」
談搭港鐵:「地鐵百分之九十嘅人耷低個頭(玩手機),鬼知我入咗車廂咩!」
談捐身家:「啲錢都唔係我嘅,我暫時保管一陣,捐晒佢啦!」
談金錢:「係咪呢個世界人有我有?我冇智能手機,係我唔需要。」
談退休:「有日我記唔到對白,阻住人收工就唔拍喇!」