吳千語喜愛入廚，每年都會應節與家人一起整湯圓，寓意一家團圓。她表示滿意去年的工作成績，對於經常被追問與男友林峯的婚期，她坦言已感到麻木，並笑言2013年已「被結婚」了八次，又指最快30歲才會嫁。

千語品嘗自己整的湯圓，真係特別好味。

攰爆的林峯不忘跟大家拜早年。

吳千語於農曆年會跟習俗整湯圓，寓意一家團圓，她表示年幼時每逢年卅晚，家人都會煮湯圓，近年自己更會親自下廚與母親一起炮製，她說：「因為細個睇得媽咪入廚多，自己都喜歡整嘢食，同埋整湯圓比較簡單，當然應付到。經過一年嘅辛勞，一家人可以聚埋一齊開開心心，呢個先係最重要。」

去年結咗八次婚

千語表示滿意去年的工作成績，她說：「入行三年時間，覺得2013年過得特別快，可能發生咗好多事。（拍拖？）都係，好多層出不窮嘅新聞，話我結婚嘅最少都有八次，最離譜話我懷孕，呢個係我最難接受嘅事，因為講到我肥咗咁。」不過，她亦笑言娛樂新聞都是娛樂大眾。問到有否設下婚期？她說：「冇咁快，最快都要三十歲。事業同工作先係大前提，依家先係起步點。（親友趁拜年時催婚？）咁又唔會，我仲咁細個，仲有啲表哥都未結婚，催都唔係催我啦！」

另外，林峯昨日一臉倦容拍攝劇集《使徒行者》，他表示已捱了兩晚通宵，又指不會到女友吳千語家拜年：「唔需要啦！唔興呢啲，打個電話就OK。」談到情人節，他說：「一早準備咗禮物，平時都有留意，係用得着嘅，如果諗到先至去搵就太遲。」