日前官恩娜（Ella）呼籲港人包容內地人而遭網友炮轟，昨日她痛哭解釋本來只想談禮儀，強調持有香港特區護照的她又自言愛港，更承認「有唔啱」。

Ella喊住認錯兼不斷拭抹眼淚，我見猶憐。

向來深得網民愛戴的Ella，因不慎講中港人痛處而捱轟。

有網友質疑Ella為北上搵人仔而「亂講嘢」，但亦有粉絲支持她。

官恩娜（Ella）日前呼籲港人包容內地人，迅即引來大批網友狂轟，有人甚至着她「滾出香港」。昨日Ella到機場出席禮物捐贈活動時一臉愁容，心情明顯低落，問到有關上述言論時，她即面色一沉：「我係想講生活細節嘅禮儀，我明白點解網民咁憤怒，但我係叫大家接受生活小禮儀，唔係一啲令佢哋不安嘅事。」Ella愈講愈眼紅紅，對於有指她是大溪地人，為何持有特區護照？她即喊住解釋自己在法屬波利尼西亞的大溪地出生，兩歲已來港宣誓中文名，沒選擇法國護照，反而選擇香港特區護照，父母及妹妹都是港人。

問到是否很委屈？Ella即失聲爆喊近一分鐘，她說：「我唔係呼籲大家包容隨地大小便、搶奶粉、學位、床位呢啲問題，我認我有唔啱，但根本唔係想講嗰啲嘢，我會小心啲。」她又稱很喜歡香港及廣東話，強調事件只屬誤會。心情激動的她其後要補妝及休息約10分鐘才繼續受訪。此外，擔任主持的英皇歌手洪杰表示最近多了不少司儀工作，早前出席《勁歌金曲頒獎禮》時亦有向鄭丹瑞偷師。

專家：屬網上欺凌

中大專業進修學院社會科學及教學部總監崔日雄表示，Ella遭網友鬧爆已屬網上欺凌：「欺凌係一大班人去欺負一個人，以前科技冇咁發達，只係得打同鬧，依家大家喺網上鬧人，對嗰個人有心理上嘅傷害，就係網上欺凌。」