國際巨星周潤發年前在金像獎盛會上盛讚後輩謝霆鋒，最近兩人合作拍戲，日前發哥在北京接受《東網》獨家專訪時，大讚霆鋒夠型又有獨特Cool Gag，又比較霆鋒及黃曉明，一冷一熱。

《東網》遠赴北京獨家專訪影帝周潤發，今日播出《發哥專訪5》，他繼續滔滔不絕分享人生閱歷，大家密切留意！

發哥與霆鋒在《賭城風雲》首度合作，飾演師徒，大讚「徒弟仔」有獨特的「冷幽默」。

霆鋒拍攝吊威吔砌啤牌塔的場面。

兩代影帝周潤發及謝霆鋒在賀歲片《賭城風雲》中飾演師徒，甚有薪火相傳的意味。日前發哥在北京接受《東網》專訪，大讚這位徒弟拍喜劇有獨特「冷幽默」，擦出不少火花：「佢本身係好冷嘅人，有自己一套Cool Gag，但呢個戲唔係咁全面睇到佢嘅發揮，如果搵套戲重啲嘅，就可以作後論。（想下次演咩？）冇所謂，演技上有火花就開心！（《春光乍洩》咁演同性戀？）咁我好似又蝦佢啲喎！哈哈！佢唔會鍾意我咁嘅年紀嘅人啩？除非我角色係風華絕代，佢要鍾意我到不得了，都好睇嘅！」

年前發哥與內地小生黃曉明合作電影《大上海》，對於曉明與霆鋒這兩位當紅男星，發哥風趣地作出比較：「佢兩個唔同，霆鋒冷艷啲，似一個武俠小說人物，西門吹雪呀！冷！曉明就熱情啲，多一份書卷味，書生啲。」

夠靚仔又有天分

發哥曾在劇集《千王群英會》中飾演霆鋒父親「四哥」謝賢的徒弟，與其母狄波拉曾合演《狂潮》，兩家人甚有淵源，問到是否早已預計霆鋒有今日成績？發哥說：「靚仔就靚仔喇！佢後期入行後，睇到佢一直嘅表現都好欣慰！佢可以繼承父業母業，又可以畀香港電影多一個人用，每代要出個演員好難！要有分量、天分、Charm、刻苦耐勞，又有呢個Talent，唔多囉！（畀咩意見佢？）唔會，每個演員嘅生命力會隨歲月增長，霆鋒都有好多經歷啦！」問到有否跟霆鋒鬥Chok，發哥笑說：「如果鍾意周潤發嘅，唔係睇佢Chok啦吓話？係睇佢求求其其、親切啲啦！」

拍《賭》片期間，四哥及拉姑前來探班，發哥表示有敍舊，但沒有「想當年」：「過咗去仲諗乜鬼，展望將來啦！佢（拉姑）都湊緊孫啦！」他又笑言想再跟四哥合作，問到覺得四哥還是霆鋒較靚仔？他笑說：「兩個唔同年代嘅靚，風華絕代就四哥，依家都咁型！霆鋒係另一個時代嘅Icon！」