憑《星夢傳奇》而為人熟悉的李璧琦（Becky）舉行處女音樂會，在管弦樂團伴奏下，她戴上370萬元閃爆鑽飾又唱又跳，表現落力，完場時更喊住答謝Fans，場面感人！

李璧琦落力地在台上又唱又跳，完場時更喊住答謝粉絲，場面感人。

Becky與王祖藍大鬥歌喉，掀起全場高潮。

Becky與鄭俊弘在台上自拍，大擺港女十式甫士。

李璧琦前晚假浸會大學會堂舉行音樂會，是次處女騷邀請了王祖藍及鄭俊弘擔任嘉賓，而樂易玲、袁偉豪及歐錦棠等亦是座上客。開場時，她以一襲粉紫色Tube Dress現身，戴上總值370萬元鑽飾閃爆登場，再配合管弦樂團的伴奏，唱出多首經典歌劇。

孖鄭俊弘自拍

Becky表示浸大會堂滿載回憶：「呢度記載咗好多我嘅第一次，大學時嘅初戀都係喺呢度開始，不過佢今日唔喺度！」直到音樂會尾聲，她大爆以往參加比賽從未輸過，形容在《星夢》被叮走是徹底失敗：「唔單止輸，仲要畀人Foul出局，畀人Foul出局不特止，仲要包尾，我接受唔到！」完場時，她答謝各方好友期間忍不住落淚，又哽咽說：「我冇諗過可以夢想成真！多謝你哋！」

而嘉賓之一的王祖藍被Becky以「巨人」介紹登場，他笑說：「前幾日綵排先知指揮同我讀同一間中學，藉此證明我中學開始已經好有文化！」問到有傳他被內地封殺和抽起部分扮嘢片段，他澄清說：「有個扮內地變性人金星嘅係我要抽起，另一個係扮《我是歌手2》嘅阿G.E.M.，嚟緊應該會出街。」他否認得罪人，但以後會更加小心。至於鄭俊弘出場時則獲Fans送上兩紮鮮花，人氣強勁，他又與Becky在台上自拍，場面搞笑。