剛為人母的陳茵媺接受昨日出版的《好報》專訪時揚言，不甘於只當湊仔婆，欲向視后挑戰！面對競爭的徐子珊冇有怕，報定名希望與她合作鬥一番！

陳茵媺分享湊仔經，踢爆囝囝經常撩吹水！

徐子珊得知陳茵媺快將復出感開心，希望與她合作。

新一期《好報》頁頁精彩，你又點可以錯過！

新手媽媽陳茵媺（Aimee）日前接受昨日出版的《好報》專訪時暢談初為人母的感受，並揚言不甘於只做湊仔婆，希望向視后之路進發：「當然希望啦！因為我真係好鍾意做演員，自己仲有好多進步空間，做演員要有目標，目標愈遠，結束會愈好，所以熱情冇變，仲火辣辣！」鑑於Aimee上周復出首個活動時狀態大勇，現時不少商場爭相邀請她出騷，即使叫價逾50萬元，依然大把人爭。雖然不少廣告商欲出天價搵一家三口拍廣告，但「雙陳」不為所動，暫時堅拒讓愛子曝光。

據知，Aimee打算年中復出開劇，部分無綫監製圖搶頭啖湯，還希望撮合夫妻檔合作，連無綫金牌監製李添勝也沒有太大信心能搶Aimee到手，他受訪時說：「你驚佢冇人搵？陳茵媺復出一定大把人爭！」隨時成為Aimee爭視后最大對手的徐子珊卻冇有怕，反而希望對方盡快回歸鬥戲：「我同Aimee合作過，佢復出當然好，公司可以熱鬧啲，多啲人出嚟拍劇，希望佢快啲收身成功同佢合作！」而陳豪將於三、四月與胡杏兒開拍劇集《陪着你走》。

愛的宣言冧陳豪

另外，Aimee在《好報》專訪中還大談湊仔經，指囝囝Aiden Joshua是天生思考型，身為父母慘被玩謝，她又向老公陳豪發表愛的宣言：「He is my rock，佢畀到我有安全感，我哋決定一齊，就一定要互相信任對方、去愛對方、去溝通、去尊重對方，全部都係一段關係嘅基石，佢就係畀到我安全感！」她還希望下一世都遇上陳豪，認真冧爆！