賭王三太陳婉珍昨日與楊千嬅、張惠雅、胡琳及陳明恩等歌手現身東華三院活動。農曆新年將至，三太稱今年不會出國：「都係屋企整嘢食，好似煲仔飯咁。」還透露年卅十晚食團年飯，女兒超雲與超蓮均會在港過新年。談到超雲舊愛陳山聰近日返無綫拍劇，三太即讚好：「好呀！恭喜佢。」雖然近來已甚少與他聯絡，但仍會支持他的新劇，即使飾演奸角亦冇問題，她說：「我會支持佢，戲入面做咩都冇所謂。」

三太陳婉珍（右）與楊千嬅出席東華活動。

而剛在微博上載與兒子丁進諾去街街照片的千嬅表示，活動後便正式放新年假，但相信更加忙碌：「新年好多嘢要準備，幫奶奶買整年糕、蘿蔔糕材料，我唔識整，所以幫手買。個仔一早起身就大叫，你就要起身招呼佢。」