神級影帝周潤發日前在北京接受《東網》獨家專訪，提到今年強勢回歸，賀歲檔電影於中港兩地對撼，總票房逾億已是意料中事，他更有機會成為10億男星，估計兩片在內地將狂收10億元人民幣，發哥笑言心情特別，希望雙雙大收，自己便可長拍長有！

發哥指電影角色變化多端，繼續做到老、演到老。

《賭城風雲》
發哥在《賭城風雲》再演賭神，與霆鋒合作勢狂吸票房！

《大鬧天宮》
發哥在《大鬧天宮》的玉帝造型入木三分，大大增加可觀度。

《東網》遠赴北京獨家專訪影帝周潤發，今日播出《發哥專訪2》，他繼續滔滔不絕分享人生閱歷，大家密切留意！

狀態大勇的影帝周潤發近年產量增多，四年間接拍八部電影，今年更強勢回歸賀歲檔，兩套參演電影同日上映！他在王晶新片《賭城風雲》中飾演新版賭神石一堅，在另一套《西遊記之大鬧天宮》中則飾演玉皇大帝，罕有地自己打對台，外間指他有望成為「10億男星」！

日前發哥在北京接受《東網》專訪時笑言，在內地自己打自己還是第一次，心情特別：「原本《大鬧天宮》係暑假上，可能覺得賀歲片檔期啱一家大細睇，所以推前咗，但呢套唔係以我為主，都係甄子丹，我只不過係掹車邊，哈哈！不過咁撞法都幾得意！（兩套戲票房加埋收10億？）有就開心，多謝老闆！冇嘅話，我都盡咗力！（信心？）有就梗係有！做演員梗係希望套套都收得，老闆賺錢，下次又搵番我！」對於有指內地製作人投訴有演員片酬太高，發哥認為一切要看市場需要：「如果你話貴，咪唔好請佢囉！有人心甘命抵去請佢嘅時候，即係證明有咁嘅市場。」

興趣為大前提

提到荷里活喜歡將英雄人物電影再三重拍，問到發哥會否也想將經典作如《英雄本色》及《龍虎風雲》拍攝新版？他笑言不夠膽，因覺得觀眾要求愈來愈高：「好難！再拍番觀眾會要求比當時再堅啲，觀眾係好無情，買張飛要你超越自己，唔滿意就會割櫈、柴你台，點會做啲咁危險嘅嘢？除非好似史泰龍咁仲喺度打緊。（搵番狄龍、梁朝偉再合作？）你先話依家啲演員咁貴！又想整套咁嘅嘢，邊個畀錢去拍呀！」

問到接戲的條件，發哥表示現時並非只看片酬，會以興趣為大前提，年前以友情價接拍許鞍華作品《姨媽的後現代生活》及獨立電影《獨自等待》便是最佳例子，問到還想飾演甚麼角色？戲癮甚大的發哥說：「最緊要過癮咗個角色先，其實我每套戲，就算都係揸槍，角色都唔同，電影太多變化，永遠唔會有一套戲係滿足到，唔同年紀做唔同角色，到咁上下做人爹哋、做人Uncle，某個歲數，人哋Offer你做咩咪做咩囉！」