「大埔Lulu」董嘉儀自擔任大埔足球寶貝後人氣急升，去年9月更開始在nowTV主持足球節目！連農曆新年都要同足球過的她，最近更聯同謝安琪、陳法拉於張智霖MV中飾演他的舊情人！

董嘉儀說男友非常支持自己的工作。

被喻為網絡「女神」，Lulu拋下一句：「講呢啲！」

Lulu笑言新年願望是希望愛隊勝出，亦希望多在主持方面發展。

模特兒兼大埔足球隊足球寶貝董嘉儀（Lulu），農曆新年亦將主持足球節目，雖然不能與往年一樣陪家人離港度歲，不過Lulu會抽空和媽媽一起做蘿蔔糕，為食的Lulu更笑言：「新年係咁食！真係怕肥。」

曾因愛隊降班而當場落淚的Lulu，原來新年願望亦離不開足球：「希望我嘅英超球隊會勝出啦！希望今年工作順順利利啦！」又揚言想多接觸司儀工作的Lulu又說不用催旺桃花，自言少跟異性交談的她，自爆已有一個穩定男友：「其實足球圈嘅人都知啦！」更說男友非常支持自己的工作。

獲封網絡「女神」

只得20歲的Lulu已展開全職模特兒工作一年多，最令人羨慕的是演出張智霖MV，與謝安琪、陳法拉、黃美棋三位女神飾演Chilam舊情人：「佢真係靚仔又好人。」不過提到樣子甜美的她獲封網絡「女神」，Lulu即笑說：「講呢啲！」