唱作人AGA去年在頒獎禮上表現突出，除了唱功了得外，原來AGA私下亦是個儲物狂，愛收集的種類包括香水和太陽眼鏡等，認真多瓣數。　

AGA戴上飛機師型太陽眼鏡，夠型又夠Chok。

面前咁多款太陽眼鏡，相信AGA有排揀。

香水係AGA出街必備的物品。

原來太陽眼鏡是AGA每次出街的必需品，而且堅持要飛機師型太陽眼鏡：「未做空姐前已經特別鍾意，因為可能塊面比較圓同大，所以要襯大副眼鏡先好睇，而且我覺得遮光好好，有時做完嘢出街，一副就可以遮晒。」

AGA又自爆家中有幾十副太陽眼鏡：「最高峰試過一次過買幾副，雖然自己儲咗好多，但戴嚟戴去都係最舒服果三、四副。」經驗豐富的AGA又向大家教授挑選眼鏡的小貼士：「我臉圓就適合方形眼鏡，依家好興圓形黑超我就戴唔到，因為塊面好長好尖先好睇。」

偷用媽媽香水

除了太陽眼鏡外，AGA受她媽媽影響，亦有收藏香水的習慣：「媽咪鍾意扮靚，所以細細個就睇住佢用，佢多到成枱都係香水，所以偷偷地攞嚟用。」她亦有一套揀香水準則：「試過有牌子個樽好靚，於是我一次過買晒成Set，近來好鍾意Lady GaGa一支黑色香水，好想買。」她又透露家裏已收藏了數十支香水：「我仲有個用香水的習慣，因為女仔手袋細可以方便帶出街，除咗女裝香水外，有啲男裝香水我都有。」