堪輿學家陳子才為事業四出奔波，新年終可留港與家人共享天倫。提到一對寶貝仔女，他指兒子疼愛妹妹又不爭寵，令他大感欣慰！問到會否再追時，他即表示兩個夠晒數！

堪輿學家陳子才預言娛樂圈今年會有較多感情爭拗。

兒子精靈可愛，又疼愛妹妹，令陳子才大感欣慰。

陳子才與太太育有一子一女，暫時未考慮再追。

陳子才貴人事忙，平日經常四出奔波，今年難得可留港過新年，與太太及仔女共享天倫，他說：「新年真係要休息，因為已經連續工作咗50、60日，最開心係今年可以靜靜哋同家人過新年！」

提到一對仔女時，他即笑不攏嘴地說：「囝囝依家喺上海返幼稚園，適應能力非常強。佢返咗一星期後就冇喊，有時臨瞓前仲提我：『爸爸，我聽朝要返學啦！』」兒子喜歡上學，身為父親的子才自然相當高興。

兄妹和睦感欣慰

要數到最令他欣慰的，莫過於兒子對出生不久的妹妹愛顧有加，他說：「囝囝好錫妹妹呀！可能係太太教得好，例如佢買玩具畀個仔，會話份禮物係由妹妹送。」問到現已湊夠一個「好」字，會否再追？他笑說：「唔好啦！已經夠晒數，要教呢對仔女已經唔簡單！」

另外，問到今年娛樂圈會發生甚麼大事？子才說：「2014年係桃花年，結婚、生仔同秘戀等會特別多，亦容易有桃色新聞，甚至係因感情而衍生出嚟嘅爭拗！姓名有『子』字、水字旁同『撐艇仔』都要留意，可能會出現健康問題或者血光之災。」