藝人梁小冰及舞台劇演員黃嘉威將合作新劇《神勇女殺手決戰霹靂黑玫瑰》，雖然小冰的舞台劇演出經驗較少，但今次除了演唱外，更會又跳又打！兩人受訪時互笠高帽，嘉威讚小冰勤力及悟性高，小冰則說：「冇嘉威我唔做呢套劇！」

黃嘉威及梁小冰合作無間，甚有默契。

嘉威是繼祖藍（圖右）後，與魯芬有咀戲的男星。

梁小冰與白健恩合演《青春A-Go-Go》後愛上舞台劇。

小冰表示去年參演舞台劇《彩色青春A-Go-Go》後，自此愛上舞台劇：「今次做三個主角，係寶珠、女殺手同芭芭拉！唔只演戲，仲要跳舞、唱歌同打！」她笑稱其中一幕講述16歲時與嘉威認識的經過，要穿上校服演出，令她相當興奮。至於嘉威則大讚她是勤力的演員：「佢係一個又傻又可愛嘅女仔，一嚟到就會拉筋同練舞，好有壓台感！」小冰則表示演舞台劇與拍劇及電影不同：「以前冇諗過做舞台劇，因為冇NG，亦唔可以逐個場景拍，要一氣呵成！」不過，她表示演出一次後即愛上舞台劇，今次因有嘉威坐鎮才決定參演，更大讚對方歌聲動聽，站上舞台即散發吸引力。

怕醜仔笑料百出

獲小冰大讚的嘉威，於演藝學院畢業後一直演出舞台劇，經驗較拍檔小冰豐富，但未曾想過擔任《神》的男主角：「今次角色係神探李奇，小冰係助手寶珠，背景係六、七十年代。劇情講我暗戀佢但唔敢表白，結果鬧出好多笑話！」他又自爆劇中將有重口味「肉搏戲」，與魯芬咀嘴：「我係繼王祖藍後咀魯芬嘅男演員，仲唔止一次，係晚晚咀！」他們已排演兩個多月，舞台劇將於情人節當天首演，希望屆時的演出能令觀眾感到「肉緊」。