入行三年的巨聲幫「隊長」陳國峰，去年嘗試不同工作，包括拍劇及做主持等，他在劇集《牛頭愛搭馬嘴》中更不乏發揮機會：「集數雖然唔算太多，但都有動作場面同內心戲，係幾好嘅機會！至於主持《兄弟幫》亦有進步，談笑風生咗同轉數快咗，都多得拍檔阿Bob（林盛斌）、唯唯（梁烈唯）同王梓軒互相幫助。」

陳國峰（左一）表示主持《兄弟幫》有進步，多得拍檔阿Bob（右一）幫助。

去年陳國峰與《兄》監製榮升日式拉麵店老闆，生意在穩步上揚中，但他直言很花心機：「香港食客要求高，要經常諗橋吸引佢哋。（開分店？）拍檔搵緊新舖，如果經濟許可，我都想投資拍住上。」雖然瓣數多多，但歌唱比賽出身的陳國峰仍不忘歌星夢，希望今年可以炮製歌曲：「想大家仲記得我係一個歌手！」