車婉婉險衝出機艙

今年再戰樂壇的車婉婉在《東網》娛樂onShow接受主持俞詠文訪問時，大談籌備新碟經過。婉婉感激林夕把她的感受寫在歌裏，並感動地說：「我只係將自己2003年到2013年中間嘅片段同阿夕爺傾咗個電話，講吓之嘛！點知佢將我嘅感受寫晒喺首歌度，收到份歌詞好感動！」她又自爆：「聽到Demo時感動得當街爆喊，啲眼淚標晒出嚟！」

曾感孤單

車婉婉平日予人爽朗感覺，原來亦有軟弱時候！患有幽閉恐懼症的她，曾試過搭飛機時，雖然未起飛，但已痛苦得想衝出機艙，婉婉自爆：「想推跌晒啲人衝出飛機度！跟住空姐問：『你做乜嘢呀？』我話：『我唔得呀，我要出去！』」嚇得婉婉姨媽立即帶她回座位。

婉婉自言像個男人般少談不快事，但她坦言亦會感到孤單：「其實都會驚夜晚黑好Lonely，都會想有人錫、有人愛護！」

新婚甜蜜的婉婉大讚老公Jonathon是其傾訴對象：「佢係一個咩都講嘅人，好直接！講出嚟好好多嘅！」婉婉成為人妻，生活有一定改變，她說：「我覺得人妻呢件事要習慣多少少時間。」她又指已適應婚姻生活。