藝人孫佳君日前出席活動時透露，每年農曆年都會拜桃花，今年亦不例外，問到會否和兩個兒子出埠旅遊，她卻耍手擰頭，大呻兩個小朋友年紀細又百厭：「同佢哋去旅行我好似阿四咁，要幫佢哋執嘢、執行李，好攰！又要追住佢哋，真係追到命都冇！」談及新年大計，她期望能參與更多有質素的電影，甚麼類型都可以。

孫佳君自爆購物欲旺盛，希望新一年能好好壓抑。

問到能否接受性感演出，她笑說：「冇問題，不嬲都性感！」更大爆自己購物欲旺盛，希望新一年能好好壓抑：「買少啲嘢，唔好Shopping，之前工人同我講，人得兩隻腳，點解要買咁多鞋，我諗諗吓又係，唔需要咁多鞋同衫。」