林溥來（Patrick）除了為兒童節目擔任顧問外，亦經營多間補習社，近日他又投資千萬元，在何文田開辦Galilee國際幼稚園，預計於3月招生，問到籌備了多久，他說：「用咗一年時間，過程好有難度，尤其發牌個要求好高。（你會做校長？）我會搵外籍老師做校長，自己做校監。（學費好貴？）都係同其他國際學校差唔多啦！我唔係為賺錢，真心教學生。」由於忙於裝修學校，他表示農曆年間無法休息：「依家見緊好多外籍老師。（通知圈中星爸媽未？）未呀，前排太忙喇，依家通知大家啦！」

林溥來最近投資千萬開辦幼稚園。