每逢新年，不少人都為親友炮製賀年食品，無綫藝人李璧琦（Becky）便迷上自製炸糖環，不但寓意吉祥，外形亦夠「的骰」，雖然過程中的油煙令人「作嘔」，但友人食過翻尋味，爭住落Order預備再食過！

Becky不但人靚聲甜，廚藝更是一流，果然入得廚房出得廳堂！

Becky因參加無綫歌唱比賽《星夢傳奇》而人氣急升。

Becky希望新的一年能睡個好覺。

唱歌出色的Becky原來廚藝亦有一手，每逢新年，她都會親自炮製賀年食品，近年則迷上寓意吉祥的炸糖環，雖然個個食完都Encore，但她笑言製作過程令人「作嘔」：「我屋企有個家傳之『模』，即係整糖環嘅餅模，新年我就會摷佢出嚟，然後約朋友一齊整糖環，因為細細粒又的骰，所以一炸就幾百粒，搞到成間屋都勁大陣油煙味，嗰位朋友仲想作嘔！不過佢又好鍾意整，所以惟有頂硬上，如果今年有時間整，我哋可能要再經歷一次，哈哈！」

她又表示去年整完糖環後，朋友一窩蜂搶食，更「落訂」預購翌年的糖環。

渴望勁瞓48個鐘

談到新一年的願望，工作浪接浪的Becky表示期待睡一個好覺：「今年嘅願望係連續瞓48個鐘，因為最近太多嘢做，幾乎每個鐘我都扎醒，要Mark番低啲工作細節，所以畀我瞓一覺，然後自然醒就最Perfect！」此外，憑《星夢傳奇》而人氣急升的她又表示想肩負宣傳管弦樂的重任：「一直以嚟都想拉近公眾同管弦樂嘅距離，希望帶出管弦樂優美又可近觀嘅訊息！」