做Model一定要Fit，深明此道的霍啟山緋聞女友Lea T.為保持最佳體態，視做運動為習慣，她透露Keep Fit需要持之以恒：「我都幾努力做運動，每星期盡量做夠5日，咁先可以練出線條！」她又表示減肥應謝絕節食：「我唔會節食，咁樣唔健康，之前試過三日都淨係飲果汁，體內淨化咗同乾淨咗，不過始終食得健康最重要，我通常揀最原始同冇加工過嘅食物，但每星期會安排一日『零食日』，食鍾意嘅零食畀自己Relax吓，如果食得太多，都會做番多啲運動，消耗多咗嘅卡路里。」

為保持模特兒索爆身材，Lea T.每星期運動5日。

Lea T.表示Keep Fit毋須節食，最緊要食得健康。