索爆人妻陳爽與老公梁梓軒結婚一年多，問到新一年會否想生BB？她即大講潮語：「講呢啲！」又指將來想生兩個或以上！談到農曆新年將至，她將與老公到美國西岸等地旅行，並在當地充當老公的「柴可夫」！

陳爽穿上紅色Deep V連身裙，展現出豐滿身材。

陳爽與老公將於農曆新年到美國西岸和馬爾代夫旅行。

陳爽被問到造人計劃時，即大講潮語：「講呢啲！」

陳爽希望新的一年在事業上有所突破！

陳爽自從前年下嫁金融才俊梁梓軒（Anthony）後，二人不時孖實出席公開活動，恩愛到極！問到新一年會否為老公趕快添丁？陳爽即笑說：「唉，講呢啲！其實都係我媽咪最心急，因為佢係醫生，所以都想我趁後生快啲生，咁佢就可以幫手湊孫。不過老爺、奶奶嗰邊都好好，佢哋都冇催我。依家都係喺一個順其自然嘅狀態，同埋都想喺事業上有突破！」

談到將來想生多少個BB時，陳爽說：「我諗至少想生兩個！因為我屋企有隻狗，佢好霸道，會兇工人！但喺聖誕節嗰陣，老公同事隻狗就喺我屋企寄宿，我隻狗一見到佢，態度變得好好！所以如果有兩個嗰度，就唔會有獨寵嘅情況出現啦！」

美國西岸自駕遊

問到農曆新年如何度過？熱愛旅遊的她表示會到美國西岸和馬爾代夫旅行，她說：「我同老公結婚一年多，都會當呢次旅行係慶祝結婚周年紀念。因為老公工作好忙，趁住新年檔終於都有時間陪我！」

陳爽又指將於西岸做「柴可夫」：「我啱啱攞咗國際駕照，所以都想喺當地揸車！同埋平時係老公揸車，我負責睇地圖，但因為我成日睇錯地圖，所以搞到佢好嬲，今次有佢可以幫我指路！」