歌手張子丰早前出席活動時自爆，自小希望能在戲中化身冷面殺手，挑戰演技。他又大讚余文樂的殺手Look有型：「以前睇過樂仔做戲，佢扮殺手好有型！」問到飾演殺手後會用哪種方式殺人，他說：「太變態嗰啲唔啱我，都係陰沉啲，用精密嘅方式殺人最好。」
張子丰大讚余文樂演技好。
余文樂
又問到可會介意與女明星拍咀戲，他聞言即尷尬地說：「要問公司呀！（咀嘴都要問公司？）歌手要顧形象，雖然唔係咩特別事，但都要公司批准，或者要同導演傾吓先！」
