每逢入夜，旺角行人專用區都聚集大批街頭藝人，英皇歌手許靖韻（Angela）日前特地落區湊熱鬧，與一班Band友Jam歌，但由於旺角品流複雜，她笑言要食定「夜粥」防蝕底。

Angela多才多藝，即場自彈自唱。

Angela到旺角行人專區表演Live騷，吸引大批途人圍觀。

英皇歌手許靖韻日前到旺角行人專用區搞Live騷，大唱四首歌曲，吸引大批途人圍觀，現場更有男歌迷「示愛」，高呼「好靚女」及「我愛你」，為衣着單薄的她增添暖意。

龍蛇混雜冇有怕

Angela表示曾試過與一班同學到旺角表演Live騷，但獨個兒表演還是第一次，問到「處女騷」感覺如何，她說：「其實我一直都想落區唱歌，可以近距離接觸大家，不過天公不作美，好幾次落實嘅日子都因為天雨而搞到唱唔成。」

提到旺角乃龍蛇混雜之地，問到可會擔心被好「色」之徒「抽水」，Angela揚言冇有怕：「以前都試過喺旺角行人專用區做電影宣傳，反而覺得好開心，因為有好多人埋嚟睇你。」

至於媽咪會否擔心，她笑說：「佢都有問我o架，但我話有同事陪我嘅，佢哋會保護我，我叫佢放心。」

Angela又提醒各位少女如到人多擠迫的地方，一定要懂得保護自己，她又建議要學識幾招防狼術：「學吓都有用o架，可以保護自己！」