周潤發與謝霆鋒昨日到澳門出席電影《賭城風雲》首映禮，面對前輩發哥的如珠妙語，霆鋒只有繼續Chok爆應對，不過亦忍不住爆發哥不吃東西喼弗，故未嘗過其廚藝。

發哥、發嫂與霆鋒盛裝亮相首映紅地氈。

賀歲片《賭城風雲》台前幕後到澳門舉行首映禮，齊齊祝酒。

童菲翹實杜汶澤（左）及伍允龍（右）出場。

霆鋒與發哥打手印留紀念。

周潤發、謝霆鋒、童菲、杜汶澤及孟瑤等昨日出席《賭城風雲》澳門首映禮，戴黑超行紅地氈的的霆鋒Chok爆全場，發哥發嫂則恩愛拖手壓軸亮相，引爆現場粉絲歡呼聲此起彼落，魅力非凡！發哥、霆鋒、導演王晶及監製劉偉強更即席打手印留紀念。

「阿女」大讚超帥

被指拍攝期間被發哥欺負的霆鋒，聞言即緊張否認：「唔係、唔係！」見慣大場面的發哥則幽默回應：「唔係蝦、唔係蟹，就係魚啦！」對於被妹妹謝婷婷爆拍此戲壓力大，霆鋒承認：「係有！」發哥即說：「有咩？我睇唔到嘅？一個打得、做得戲、又靚仔嘅喺邊度搵？」對於有指經常在片場鬥Chok，發哥即讚霆鋒永遠都咁靚仔，問廚藝出色的霆鋒可有讓發哥試手勢？他說：「佢都唔食嘢！」發哥笑答：「喺你面前唔食啫！因為（身形）未達標。」另外，日前透露不滿新人遲到的霆鋒表示沒有暗指何人：「只係講新人舊人都唔應該遲到，係咁多。」他指農曆新年不會留港，但否認到新加坡探一對兒子。

至於發哥同時有另一電影《西遊記之大鬧天宮》在賀年檔上映，自己打自己，他笑言兩片戲份及戲種都不一樣：「我呢部戲份係五五，嗰套就三七，我係三，甄子丹係七，希望兩套都好。」他又表示支持黃秋生選演藝人協會會長：「我Buy佢。（你做？）我呢啲淨係識攪亂檔。」片中飾演發哥女兒的童菲大讚：「他很年輕、很帥，好像哥哥一樣，都會說笑話和請大家吃東西。」