周潤發演過的經典角色甚多，「賭神高進」更是無人不識！闊別多年發哥再與王晶合作賭片《賭城風雲》，令人期待，發哥表示因要配合內地制度，加入搞笑及警匪元素，讓新片變得更合家歡：「你知晶哥呢方面好叻嘛！過年戲香港觀眾都接受咗黃百鳴同曾志偉哥嘅形式啦！咁今次我套戲劇情都幾得意吓。」發哥表示今次是全新故事，其飾演的石一堅喜劇感比高進更重，性格亦不同：「石一堅係個賭術叻啲嘅專家，冇高進咁深謀遠慮，冇咁多高手向佢挑戰，高進有食朱古力、摸戒指等小動作，石一堅冇咁細膩，只係江湖術士呃呃騙騙。」

王晶（右）與發哥闊別多年後再合作，絕對有火花。