城城子丹惺惺相惜

於新片《西遊記之大鬧天宮》中飾演「牛魔王」的郭富城（城城）昨日現身九龍塘浸會大學擔任講座嘉賓，期間提到甄子丹於新片中被周潤發笑指要收斂脾氣，他即為對方解畫：「每人都有脾氣，佢發助手脾氣，唔係發演員脾氣。因為佢要求高，有次助手連續4、5次都配合唔到個動作，佢見到演員辛苦就會忟憎，係情有可原！」問到有否「忟埋一份」？他即笑說：「子丹喺度，邊個敢出聲？」城城又自爆跟子丹惺惺相惜：「佢武功高強，我舞蹈都好高強，我唔驚佢，佢仲驚我！」另外，對於舊愛熊黛林被指有新歡，城城先是拒絕回應，其後亦大方送上祝福。