曾志偉、熊黛林及黃百鳴等昨晚出席六福珠寶贊助的賀歲片《六福喜事》首映禮，熊黛林早前被拍得與富商Rodney Lee遊新加坡，有傳費用男方全包，她予以否認，並指對方純屬朋友：「我識咗佢四、五年，我都見過佢女友，怕人哋女友誤會我，好彩大家都識。影咁耐都冇見我拖手，個男仔就一定唔係我男友！」記者指過往亦從未拍得她與舊愛郭富城拖手，她尷尬地說：「冇影過出嚟啫！我係普通女仔，拍拖會同男仔拖手。」對於城城祝福她覓得「新歡」，她哈哈大笑：「你哋都多啲祝福我，令我快啲搵到，我好努力啦！」自言恨拍拖的她又默認有追求者。

熊黛林談到與舊愛城城拖手，大為尷尬！

志偉出席首映禮為賀歲片《六福喜事》造勢！

對於同場的吳君如賀歲檔自己打自己，志偉抵死揶揄對手：「新聞話禽流感依家好流行，千祈咪食『雞』，乜雞都唔掂發瘟！今年新年願望係打冧啲雞！」有指黃秋生擱置選演藝人協會會長，他說：「佢係咪指各自各選？你哋聽錯，我哋好支持佢，希望佢出番嚟！」並坦言秋生是會長合適人選。