黃美棋高呼「Oppa」

「美棋BB」黃美棋昨晚出席活動時與金鐘國同場，她自言是Running Man忠實Fans，不時會收看，她說：「知道佢今晚會嚟，好興奮。佢出場好有氣氛，好有氣勢。我想親口同佢講一聲「Oppa」（哥哥），同佢打招呼。（會唔會交換Contact？）唔會，我想玩呢個節目。（提議你老闆開？）Scale太大，睇吓可唔可以合作，會易啲。」同場的前港姐周美欣坦言很愛追看韓劇和台劇，曾三晚便追看完一部十多集的劇，看得樣子也殘了，現在不太敢追看：「我好鍾意韓星，鍾意睇Rain啲戲。（會唔會集郵？）之前見到阮馬素都有集郵，鍾意同名人影相。」另外，昨晚的嘉賓還有倪晨曦和鄧穎芝等。