林欣彤夠Young鄭融Kay自暴其「短」

一眾女歌手盛裝出席《勁歌》，本地時裝設計師何國鉦（Dorian）對她們的打扮有讚有彈，其中他大讚天后容祖兒（Joey）及其師妹林欣彤（Mag）着得最靚：「Joey着衫向來冇出錯，呢條裙用肉色內層包住個身，加上通花布同珠片，好蝦人着，大髀粗啲都唔着得，但佢身材高挑着得靚。Mag嘅連身裙款式穩陣，啱佢年紀同身形，個髮型都幾型，感覺夠Young！」相反，他直指謝安琪（Kay）的「燈罩Look」自暴其短：「條裙畀5呎10嘅Model着冇問題，佢着比例唔啱，透咗條腿出嚟，對腳太白，明顯睇到好粗好短！加黑絲襪會好啲，唔使搞到對腳好似凌空咁！」他又彈鄭融身穿的魚尾裙暴露短腿。