杜汶澤於記者會上面對普通話提問，因聽不明要周圍問，又不時以「唔鹹唔淡」的普通話應對，場面搞笑。當被問自覺似《賭神》系列中哪個角色？他即用「港式普通話」說：「『花菇燶』（張家輝曾飾演的角色化骨龍），不知道嗎？」又拿自己的身高開玩笑，笑言羨慕內地演員高虎可做發哥的對手，風趣的發哥亦配合地作狀看不到他，笑聲連場。

杜汶澤（左起）扮「矮仔」，發哥則配合扮睇佢唔到，令身旁的高虎笑不停。

周潤發

事後問阿澤平日於發哥面前會否收斂一點，他笑說：「收斂即係虛偽，即係唔尊重，做人要真性情。（同發哥閒話家常？）發哥嘅家常又點同我嘅家常呢？」對於發哥笑指甄子丹脾氣大，曾與子丹合作的阿澤說：「佢好認真，武術鏡頭影響好多人，失手可能會受傷，所以要好集中，子丹係我認識嘅演員中最認真嘅其中一個。」