鍾嘉欣、Ana R.、羅霖及李蕙敏等前晚出席詩琳27周年晚宴，問到可會考慮豐胸？嘉欣BB笑說：「唔使啦！我幾有信心，Size幾好。（生完B身材會走樣？）呢個係上天送嘅禮物，會顧咗BB先。（幾時生B？）最好35歲前。（有冇商量過？）冇喎！但會婚後生。」她早前公開撐緋聞男友伍允龍新片，問到是否打算公開戀情？她說：「朋友開個唱或有戲上都會支持，知佢拍戲辛苦，希望同佢再睇多次。（佢攞獎就結婚？）遇啱Timing就結，依家工作至上！」

鍾嘉欣隔空約伍允龍睇戲，令人驚喜！

以柯德莉夏萍造型現身的羅霖，言行舉止都學到足。

悉心打扮的Ana R.單腳企賣萌，Kawaii呢！

羅霖則自爆三月將正式離婚兩年，笑指現在終可結識異性，又表示不乏追求者但卻被她拒絕。對於前夫劉坤銘指冇眼睇她，她說：「佢唔係話冇眼睇，係話冇留意，我都唔想佢留意我嘅新聞，留意仲煩，我都唔會留意佢嘅新聞！」

至於新婚的李蕙敏被問到是否準備生B時說：「依家準備個唱順道調理身體，呢個年紀有就有，唔趕嘅，心情好、狀態好，BB先開心！」