挾港姐冠軍后冠參戰的陳凱琳，憑美貌成為華姐大熱門，但身材及身高比較輸蝕。雖然有料佳麗咄咄「Big」人，但她獲幸運之神眷顧，見面會上先拔頭籌，被抽中試戴后冠及權杖。事後，她受訪時亦自言Lucky：「好好彩，上年張名雅都被抽中。」身為本地薑的她又表示不認為有優勢：「雖然比起第一次見大家時平靜咗，但都有壓力，我會做好啲，表現大方得體啲，希望畀大家睇到經過半年後我有進步。（怕唔怕身形輸蝕？）唔緊要，喺其他方面取勝就得。」她又睇好同房、來自吉隆坡的黃之豫，讚她樣樣夠平均。

(9)黃婷麗擁有模特兒身形，加上出眾美貌，三甲在望！

(14)戴婕菲身材「凸」出，初次亮相備受睇好。