「民選視帝」張智霖無懼逼爆花市，打算年廿八踩落維園硬銷自己的最新唱片。揚言與無綫「冰息前嫌」的他表示，沒有接獲通知出席勁歌頒獎禮，但仍力撐各得獎者實至名歸。

張智霖Chok到行拍咖啡廣告，勁靚仔！

張智霖在廣告商安排的白鴿群中奔跑，營造浪漫氣氛。

張智霖以新房車接太太袁詠儀返歸。

張智霖（Chilam）續約擔任咖啡品牌代言人，坦承酬勞加幅滿意，昨晨更於赤柱拍攝新一輯廣告。記者探班時，他竟忽發奇想說：「我最新唱片24號出街，所以決定年廿八會落年宵市場搞簽名會。（咁受歡迎唔怕被人圍？）都驚，希望到時唔會影響到其他單位啦。」

榮幸參演《一》片

談及昨晚未有亮相無綫《勁歌金曲頒獎禮》，他否認與無綫關係仍然鬧僵：「點會呢？（台慶頒獎禮）都過咗咁耐啦，新一屆都嚟緊。佢哋都唔會直接搵我，只會透過唱片公司，但都好似冇接獲相關通知，總之我覺得所有得獎者都實至名歸。」

談到今次廣告代言收入可觀，前晚又被拍到以新車接太太袁詠儀到銅鑼灣食晚飯，問到會否再次買鑽石鈪給太太，Chilam笑說：「買隻鴨畀佢就差唔多，買隻北京填鴨佢會好開心。佢好節儉，唔使成日買嘢畀佢。」談到有份參演的《一代宗師》揚威本屆奧斯卡提名，Chilam說：「好榮幸自己有份拍，希望佢哋旗開得勝啦。」