滕麗名、湯盈盈和薛家燕等昨日宣傳新劇《新抱喜相逢》，大會為本月20日生日的阿滕慶生，她卻被盈盈偷襲往面上抹蛋糕，事後合照，盈盈竟舐阿滕面珠，嚇得她大呼核突：「同盈盈識咗好耐，拍劇佢玩埋吐口水、放屁！」問到老公對其生日有何表示？她保持神秘地說：「佢送咗份我想要嘅禮物！（叫埋老公去首播飯局？）未覆我。（怕盈盈蝦佢？）佢怕醜啩！」盈盈笑言若收視好會穿三點式：「只着喺面衫裏面，費事老公鬧！」

盈盈掟蛋糕又伸脷舐滕麗名，玩到癲！

薛家燕則透露年初二搞「溝通團」：「諗住同仔女、『朋友』旅行三日，試吓相處。（房點分？）女同我瞓，仔同『朋友』同房，去到半夜自己決定啦！」