藝人謝雪心及阮兆祥出席慈善基金活動，與近170位長者參加午宴，又大派禮物，祥仔更滿場飛與長者和小朋友打成一片，令各人開懷大笑。

心姐和祥仔大送福袋，氹到長者眉開眼笑。

祥仔獲多位小朋友索合照及簽名，勁受歡迎！

體貼的心姐擔心長者唔夠暖，親自為對方戴圍巾。

由東方日報慈善基金、太陽報愛心基金及恒基溫暖工程基金舉辦的《愛心送暖顯關懷》活動，宴請近170位長者及有需要的家庭午膳，大會又安排抽獎環節送出保溫杯，每位老人家更獲贈福袋，有米、湯包及香菇過肥年！樂於參與慈善活動的心姐表示經常探訪長者，又不時到社區探訪街坊，曾參加渡海泳的她透露，曾在童軍活動中鼓勵準備參加渡海泳的小朋友：「我話遇到大風大浪唔使驚，只要個浪過咗就得，希望佢哋出咗社會後用得着！」

幫高海寧做媒

密密做善事的心姐工作亦相當忙碌，最近拍攝新劇《男大當婚》、《師奶Madam》及《大藥坊》，過年後將與楊怡及馬國明拍清裝劇，問到新年開工有否令家人「詐型」？心姐坦言獲家人支持，沒有半句怨言。

而祥仔極受現場小朋友歡迎，不斷被索合照及簽名，他認為藝人參與慈善活動是天職，應以藝人的力量呼籲及支持，故有空時亦會參與公益活動，又笑言現場的公公、婆婆都看着他長大。談到工作，他透露最近忙於準備新節目《搵個好男人》：「會幫單身嘅女藝人搵圈外嘅另一半。（邊個女藝人？）高海寧啦！」