岑麗香與江若琳（Elanne）昨日以「螢光雙煞」姿態出席活動，香香透露正儲錢置業，並積極做資料搜集，而Elanne則視日前走光為教訓，自薦做打底褲代言人。

江若琳（左）與香香手持豬仔錢罌迎春接福。

大露玉背的Elanne吸取教訓，打足底出席活動。

新鴻基地產代理租務部助理總經理劉文豪（左起）、香香及Kawaii等祝讀者金銀滿屋。

岑麗香與Elanne昨日到將軍澳中心出席《喜躍滿盈錢罌展》揭幕禮，去年工作不斷令荷包腫脹的香香，對於被形容為「小富婆」笑不攏嘴，透露母親從小教育她儲蓄才能計劃將來，故自工作後已養成此習慣，更視置業為目標。香香指父母希望她於加拿大買屋：「但我喺香港工作，喺度置業對我嚟講好啲，不過香港樓價仲好貴，首期都未儲到。」

Elanne知驚打底

談到農曆新年將至，香香表示會首度派利是：「好多工作人員、同事、傳媒一直都好支持我，令我有推動力繼續努力，所以希望派利是祝福大家。」

而日前不慎於活動走光的Elanne坦言已吸取教訓：「我覺得自己做打底褲代言人絕對係適合人選，都有叫造型師以後咩事都要攞打底褲先，但張相已經喺網上傳緊，好過分。（再受一次傷害？）係，呢件事對女仔已經好Hurt。」