雙喜臨門的新老爺兼爺爺劉丹昨日表示最興奮是可將喜悅對外分享：「終於可以暢所欲言，其實我知，唔講得都忍得幾辛苦！（介意奉子成婚？）佢哋已經註冊，唔算奉子成婚，況且依家年代冇所謂，結婚都係一紙婚書啫！（鍾意孫仔定孫女？）兩樣都鍾意，生幾多冇所謂，但湊小朋友唔易，我同老婆一定幫手，佢喺香港生，留BB喺香港近我哋就最好！」丹爺特別提兒子要搵多兩名助手照顧楊冪：「好彩新抱仔冇乜害喜，仲話比以前食多咗嘢，開胃咗！」

劉丹

親家要求跟楊姓

昨日楊冪父親在微博上公開叫人為孫改名，指姓劉、姓楊各起一個，有粉絲提議「楊柳樹」、「劉楊合」等，楊父笑說：「不錯，五年之內都用上。」丹爺聞言卻有點愕然，笑說：「唔知佢哋玩咩呢？但我想法裏面孫向來跟父姓。（為孫改名未？）未諗，或者搵姓名學家、玄學家畀意見。」