若以為在馬來西亞這個陽光與海灘的地方取景便一定有「眼福」，那便大錯特錯了！監製方駿釗笑言不擔心因而影響收視：「我唔係咁鍾意攞呢啲嚟做賣點，我拍海灘都係乾乾淨淨嘅海灘，唔需要一啲波濤洶湧嘅女仔走嚟走去，啱劇情嘅先會做，以浪漫氣氛為主，唔會刻意賣弄一啲同劇情無關嘅畫面，因為劇集播映時段係合家歡時間，希望觀眾將注意力集中喺故事情節同演員演繹上。香港人多數都係睇電視大，我覺得電視要有道德責任，唔好話教好佢哋，但都唔好加深佢哋對一啲認知嘅誤解，所以電視尺度都應該以大眾口味為依歸。」

Aimee及展鵬的愛情純過蒸餾水，過程沒有拖手及咀嘴。

此劇經常於海灘取景，卻沒有波濤「胸」湧的鏡頭。

而Aimee和展鵬這一條感情線亦是以曖昧為主，到最後一集才會正式一起，中間沒有拍拖、冇拖手、冇咀嘴，到最尾一場才會深情一吻，完全沒有時下劇集以「重口味」吸收視的招數。