有指Aimee拍攝此劇時剛懷有「Mo B」，方駿釗直言當時不知情，並透露Aimee當時拍得甚為辛苦：「佢佔戲好重，喺馬來西亞拍咗一個月，每日幾乎開足12、13個鐘，一日休息都冇，但我諗佢都唔知自己有咗，所以從來都冇提出要休息，我哋都冇特別就佢，好多動作、淋雨佢都要做，不過拍時佢有少少病病哋，當時有個製片『好好心』，畀咗唔少生冷同涼嘅崩大碗佢飲，事後諗番都驚，好彩冇事，證明係你嘅就係你！」

拍新劇時剛有身孕的Aimee，依然拍足12、13個鐘，認真敬業！