樂隊RubberBand（RB）昨日到電台宣傳，主音6號表示RB本月22日會飛往津巴布韋做饑饉大使，為期一個星期，順道為新碟作曲：「Beyond都去過，希望探訪完之後可以寫新歌畀大家感受吓，朋友都有提我注意當地食水，家人都有擔心。」
RubberBand往非洲津巴布韋做饑饉大使，順道搵靈感寫歌。
至於早前小登科的阿偉今年首度派利是，問到準備派幾多錢？他笑言要留在非洲避年：「幾千啦！唔夠再算，雖然好肉赤，但有得派都開心嘅。」
