商天娥早前因綵排音樂劇致腰椎舊患復發，故總數十場的公開演出中，要找人代演其中兩場。她昨日接受電話訪問時大爆醒來發現半身麻痹：「我之前都知條腰唔妥，去咗啪骨、針灸同放瘀血。但有日瞓醒突然半身麻痹，行唔到路，要即刻入院。我喺一星期內瘦咗七磅，令老公好擔心！」
敬業的娥姐入院休息四日後「唔錫身」再綵排，問到堅持演出是否與演出費有關？她笑指演舞台劇酬勞低：「做舞台劇唔係為錢，真係為咗過戲癮！我做一場舞台劇仲少過我拍半集劇集嘅錢啦！」並自爆完騷後會與老公去旅行，享受二人世界。
