藝人田蕊妮昨日到電台宣傳新碟，她自言首次以歌手身份做宣傳，感覺有趣，並笑指原來做歌手會破財：「以前做藝人去做宣傳都係着老牛就得，但依家又要扮靚，又要搵靚衫，仲使多咗錢！」雖然開支高昂，但她表示「視后」之名有助填氹：「新年會出席好多活動，多咗搵錢機會，都有加到開心價嘅！」

阿田笑言宣傳需花錢裝身，令她大感苦惱。

田蕊妮碌盡人情卡，邀得型男古天樂參演MV。

此外，提到新歌MV邀得型男古天樂出鏡，她說：「今次真係碌爆卡，佢好有義氣。另一個MV都會有位又靚仔又紅嘅朋友幫手，但暫時仲未講得住！」