秋生被周刊指與曾合作的內地女星魏璐相約往銅鑼灣大坑打邊爐，飯後撇下助手往維多利亞公園，期間秋生與魏璐行到陰暗處休息，被狗仔隊暗中拍下相關圖片，然後指二人有染，且形容成疑似於公眾場合作出不道德行為。

英皇昨晚發聲明指保留追究法律責任之權利。

為顧及秋生形象，其所屬的經理人公司英皇昨晚發出聲明，否認秋生與魏璐的曖昧行為，指該報道有誤導讀者之嫌，故英皇及秋生會保留追究其法律責任之權利。秋生經理人霍汶希透過短訊回覆：「我冇嘢要補充，不過個女仔係演員唔係北妹，佢同秋生合作過拍戲，今次佢嚟香港，秋生都係約埋片商請佢食飯啫！」

秋生昨日接受電話訪問時說：「犯法係好嚴重嘅指控，話我有不道德行為，咁仲唔報警要喺度偷拍？咁即係協助犯罪啫！」他又指明白記者要「交差」，但自己同樣是所屬經理人公司的資產：「你食晒得啦！但我都要搵食喎！好彩嗰日我冇用紙巾抹鼻涕咋，如果唔係畀人執咗攞去化驗，又唔知寫啲乜出嚟喇！（影響到同太太感情？）都係我哋兩個人嘅事，佢批評輯相影得差囉！」